ئاژانسی هەواڵی زاگرۆس

سه‌رۆكی هه‌رێمی كوردستان لەگەڵ وەزیری دەرەوەی بەحرێن كۆده‌بێته‌وه‌

هەر لە كۆنفرانسی ئاساییشی میونشن لە ئەڵمانیا، نیوەڕۆی ئەمڕۆ شەممە 2024/2/17 نێچیرڤان بارزانی، سەرۆكی هەرێمی كوردستان و عەبدوللەتیف بن ڕاشد ئەلزەییانی، وەزیری دەرەوەی بەحرەین، كۆبوونەوە.

لە كۆبوونەوەكەدا مەترسی و ئاڵنگارییەكانی بەردەم ئارامی و سەقامگیریی ڕۆژهەڵاتی ناوەڕاستیان تاوتوێ كرد كە لە ئەنجامی شەڕ لە غەززە و لێكەوتەكانی هاتووەتە ئاراوە. لەمبارەیەوە جەختیان له پێویستیی چڕكردنەوەی هەوڵەكان لەسەر ئاستی ناوچەیی و نێودەوڵەتی بۆ پاراستنی سەقامگیری كردەوە.

لە تەوەرێكی دیكەی كۆبوونەوەكەدا خواستی هاوبەشیان بۆ برەودان بە پەیوەندییەكانی بەحرێن لەگەڵ عێراق و هەرێمی كوردستان و فروانكردنی هاریكاریی هاوبەشی نێوانیان دەربڕی. لەمبارەیەوە تیشكیان خستە سەر ئەو دەرفەت و بوارانەی لەنێوان هەردوولادا هەن و دەكرێ كاریان لەسەر بكرێت.
دۆخی عێراق و هەرێمی كوردستان و هەڕەشە و مەترسییەكانی تیرۆر لە ناوچەكە، تەوەرێكی دیكەی كۆبوونەوەكە بوو.

هەواڵی پەیوەندیدار

پەیامێکی پیرۆزبایی لە بەشی ڕۆشنبیری و ڕاگەیاندنی پارتی دیموکراتی کوردستان

یاسین

زاخۆ… لە رووداوێکی تەقەکردن دا دووکەس برینداربوون

دڵشاد

ئاگادارییەک لە بەڕێوەبەرایەتی هاتوچۆی هەولێر

یاسین