ئاژانسی هەواڵی زاگرۆس

نێچيرڤان بارزانى يادى ڕاپه‌ڕين پيرۆز ده‌كات

 

ساڵيادى (33)ى ڕاپه‌ڕينى شكۆدارى گه‌لى كوردستان له‌ خانه‌واده‌ى سه‌ربه‌رزى شه‌هيدان، پێشمه‌رگه‌ قاره‌مانه‌كان و ته‌واوى خه‌ڵكى كوردستان به‌ هه‌موو پێكهاته‌كانييه‌وه‌ پيرۆز بێت. سڵاو و دروود له‌ يادى شه‌هيده‌ قاره‌مانه‌كانى ڕاپه‌رين و ته‌واوى شه‌هيدانى كوردستان.

گه‌لى كوردستان که‌ پێنجى ئازارى 1991 له‌ ڕانيه‌ى ده‌روازه‌ى ڕاپه‌ڕينه‌وه‌، ‌گيانى له ‌سه‌رده‌ست دانا و بێ سڵه‌مينه‌وه‌ له‌ مه‌رگ له‌پێناو ئازاديدا ڕاپه‌ڕى، كۆتايى به يه‌كێك له‌ خوێناويترين و دژوارترين سه‌رده‌مه‌كانى سته‌م و دكتاتۆرى هێنا. ئیتر هه‌رگيز واز له‌ ئازادى و ئامانجه‌ پيرۆزه‌كانى ڕاپه‌ڕين ناهێنێت.

ڕاپه‌ڕين به‌ بڕوا و ئيراده‌ى مه‌زنى گه‌لی کوردستان بۆ ئازادى و سه‌رفرازى، به‌ يه‌كڕيزى و ته‌بايى سه‌ركه‌وت و ده‌ستكه‌وته‌كانى له‌ ده‌ستوورى عێراقى فيدراڵيدا چه‌سپاند. ئێستاش هه‌ر به‌ یه‌کڕیزی ده‌توانێت به‌رامبه‌ر هه‌ڕه‌شه‌كانى سه‌ر فيدراڵى و ماف و ده‌ستكه‌وته‌كان و قه‌واره‌ى ده‌ستووريى هه‌رێمى كوردستان بوه‌ستێته‌وه‌ و داهاتوويه‌كى باشتر بۆ نه‌وه‌كانى مسۆگه‌ر بكات.

ئامانجه‌ پيرۆزه‌كانى ڕاپه‌ڕين له‌ ژيان و ئازادى، ديموكراسى، كۆمه‌ڵگه‌يه‌كى ئارام و پێشكه‌وتوو، له‌ بنياتنانى ئێستا و داهاتوويه‌كى باشتر، له‌ كوردستانێكى به‌هێز كه‌ لانكه‌ى پێكه‌وه‌ژيان و يه‌كترقبووڵكرن و لێبورده‌يى بێت، ته‌نيا به‌ كارى هاوبه‌ش و يه‌كهه‌ڵوێستى و پێكه‌وه‌ييمان ده‌بێت.

مێژوو سه‌لماندوويه‌تى كه‌ ناكۆكى و دووبه‌ره‌كى، ئه‌زموونى زۆر تاڵن و زيانى زۆريان له‌ پێگه‌ و ده‌رفه‌ت و ده‌ستكه‌وته‌كان داوه‌. بۆيه‌ سه‌ركه‌وتنى ڕاپه‌ڕين ده‌بێ هه‌ميشه‌ بۆ هه‌موومان وانه‌ و نه‌خشه‌ڕێگه‌ى كارمان بێت. با به‌ بڕوا و ئومێده‌وه‌ هه‌موومان پێكه‌وه ده‌ست له‌ناو ده‌ست‌، بۆ تێپه‌ڕاندنى ئاڵنگارى و سه‌ختييه‌كان و له‌پێناو داهاتوويه‌كى باشتردا كار بكه‌ين.

سڵاو له‌ يادى ڕاپه‌ڕين، له‌ گه‌لى دڵسۆز و خۆڕاگرى كوردستان، دروود بۆ گيانى پاكى شه‌هيدان.

نێچيرڤان بارزانى
سه‌رۆكى هه‌رێمى كوردستان
2024/3/5

هەواڵی پەیوەندیدار

سەرۆك بارزانی پێشوازی لە سەرۆكی پارتی سۆسیال دیموكراتی كوردستان دەكات

دڵشاد

حکوومەتی ھەرێمی کوردستان بڕیاری دا ئەمساڵ بە فەرمیی یادی نەورۆز لە ئاکرێ بکرێتەوە

یاسین

تۆمەتبارێک بەتۆمەتی دزیکردن دەستگیر کرا

دڵشاد