ئاژانسی هەواڵی زاگرۆس

خولی ئیسپانیا.. بەرشەلۆنە سەرکەوتنێکی زەحمەتی بەدەستهێنا

لە دوا یاری شەوی ڕابردووی هەفتەی 30ی خولی ئیسپانیا، یانەی بەرشەلۆنە میوانداری لاس پاڵماسی کرد.

 

لە ئەنجامدا یانەی بارسا توانی یارییەکە بە گۆڵێکی بێبەرامبەر لە لاس پاڵماسی میوانی بباتەوە.

 

لە تایمی یەکەم، بەرشەلۆنە باشتر دەرکەوت و دەستی کرد بە هێرشبردن، لە خولەکی 24ی یارییەکە ناوبژیوان بەکارتی سوور یاریزانێکی لاس پاڵماسی کردە دەرەوە و نیوەی یەکەم هیچ گۆڵێک تۆمار نەکرا.

 

لە تایمی دوومدا، بە هەمان ئاست و دۆخ گەڕانەوە ناو یاریگا و هێرشیان دەستپێکردەوە، تا لە خولەکی 59دا یاریزان رافینها تاکە گۆڵی یارییەکە و سەرکەوتنی بارسا تۆمارکرد.

 

بەم سەرکەوتنە، یانەی بەرشەلۆنە بووە خاوەنی 67 خاڵ و لە پلەی دووەمە، لاس پاڵماسیش بە 37 خاڵ پلەی 12ی گرتووە.

هەواڵی پەیوەندیدار

خولی ئیتاڵیا.. تۆرینۆ میلانی شۆک کرد و شکستی پێهێنا

sirwan

جامی یۆرۆ.. ئیتاڵیا لە دوا خولەک کرواتیای ڕاگرت

sirwan

یۆرۆلیگ..ئاتلانتا شکستێکی چاوەڕواننەکراوی بە لیڤەرکوزن هێناو بووە پاڵەوان

sirwan