لە یارییەکانی قۆناغی پێش کۆتایی چامپیۆنزلیگ، مانچستەر سیتی لە یاریگای خۆیدا میوانداری ریال مەدریدی کرد.
لە ئەنجامدا یانەی شاهانە و پاڵەوانی جامەکە توانی یارییەکە بە لێدانی یەکلاکەرەوە بباتەوە و خۆی بگەینێتە قۆناغی داهاتوو.
لە سەرەتایی تایمی یەکەم و لە خولەکی 12دا یانەی ریال مەدرید لەڕێگەی یاریزان رۆدریگۆوە گۆڵی یەکەمی تۆمارکرد،
پاش ئەو گۆڵە کوڕانی گواردیۆلا بە تەواوی کۆنترۆڵی یارییەکەیانکرد و هەوڵەکانیان خستە گەڕ بۆ یەکسانکردنەوەی ئەنجامەکە لەو تایمەدا بەڵام سەرکەوتوو نەبوون.
لە تایمی دووەم مانچستەر سیتی بەهێزتر گەڕایەوە نێو یاریگا بە تەواوی کۆنترۆڵی یارییەکەیان کرد و پاش چەندان هێرشی مەترسیدار، یاریزان دی بڕۆین بە لێدانێکی ژیرانە لە خولەکی 76 گۆڵی یەکسان تۆمارکردەوە کاتی یاسایی یارییەکە بەو ئەنجامە کۆتایی پێهات.
ناوبژیوان پەنای بردە بەر دوو تایمی زیادکراو و تێیدا هیچ گۆڵێک تۆمارنەکرا و یارییەکە چووە لێدانی یەکلاکەرەوە، لە لێدانەکاندا ریال مەدرید بە ئەنجامی چوار گۆڵ بەرامبەر بە سێ گۆڵ یارییەکەی بردەوە.
یانەی مێرنگی گەیشتە قۆناغی پێش کۆتایی و لەو یاریەشدا ڕوبەڕووی بایرن میونشن دەبێتەوە، سیتیش ماڵئاوایکرد.