لە دووەم یاری پێش کۆتایی جامی یەکێتی ئینگلتەرا، هەردوو یانەی کوڤێنتری و مانچستەر یونایتد لە یاریگای وێمبڵی ڕووبەڕووی یەکتر بوونەوە.
لە ئەنجامدا مانچستەر یونایتد بە لێدانی یەکلاکەرەوە توانی یارییەکە بباتەوە و بگاتە یاری کۆتایی جامەکە.
لە تایمی یەکەمدا شەیتانە سوورەکان ئاستێکی بەرزی پێشکەشکرد و توانیان دوو گۆڵ لەڕێگەی یاریزانان ماکتۆمینای و ماگوایەر لە خولەکەکانی 23 و یەکی زیادکراوی ئەو تایمە تۆماربکات، ئەو تایمە بەو شێوەیە کۆتاییهات.
دووەم تایمی یارییەکە دەستی پێکردەوە و هەردوو یانە بەردەوامبوون لە هەوڵەکانیان، تاکو لە خولەکی 58دا بڕۆنو فێرناندز گۆڵی سێیەمی مان یونایتدی تۆمارکرد،
دوای ئەو گۆڵە کوڤێنتری سێ گۆڕانکاری لەسەر یەکی ئەنجامدا و یارییەکەی گۆڕی و توانی یارییەکە یەکسانبکاتەوە و سێ گۆڵ لەلایەن سیمس، ئوهارێ و حاجی ڕایت لەخولەکەکانی 71، 79 و پێنجی زیادکراوی تایمی دووەم تۆماربکەن، دوای ئەوە ناوبژیوان پەنای بردە بەر دوو تایمی زیادکراو.
لە هەردوو تایمەکە یانەکان بەردەوامبوون لە فشارەکانیان بۆ سەر گۆڵی یەکتر، بەڵام هەوڵەکانیان بێسوود بوو و هیچکامیان سەرکەوتوونەبوون و یارییەکە وەک خۆی مایەوە و ناوبژیوان پەنای بردە بەر لێدانی یەکلاکەرەوە.
لە لێدانە یەکلاکەرەوەکان، یانەی مانچستەر یونایتد توانی بە چوار گۆڵ بەرامبەر دوو گۆڵ یارییەکە بباتەوە.
بەم سەرکەوتنە یانەی مان یونایتد گەیشتە یاری کۆتایی و بڕیارە لە 25ی مانگی داهاتوو ڕووبەڕووی یانەی مانچستەر سیتی ببێتەوە.