میوزیكژەنی ناسراوی كورد، جەمال هیدایەت عەبدوڵڵا، ئەمڕۆ سێشەممە 23ـی نیسانی 2024، كۆچی دوایی كرد.
هونەرمەند جەمال هیدایەت عەبدوڵڵا، یەكەم هونەرمەندی عودژەن بووە لە شاری هەولێر و لە سەرەتای دەیەی پەنجاكانی سەدەی رابردوودا دەستی بە كاری هونەری كردووە.
لە ماوەی تەمەنیدا، وێڕای دامەزراندنی یەكەم گرووپی میوزیکی لە شاری هەولێر، لە رووی كارگێڕی و پەروەردە و پێگەیاندنەوە لە چەندین ناوەندی هونەری و پەروەردەیی خزمەتی كردووە.
وەزارەتی رۆشنبیری و لاوانی حكومەتی هەرێمی كوردستان، بۆ كۆچی دوایی هونەرمەند جەمال هیدایەت، پرسە و سەرەخۆشی ئاراستەی بنەماڵە و كەسوكار و هونەرمەندی كوردستان دەكات و خزمەتەكانی هونەرمەندی كۆچكردوو هەمیشە بە نەمری دەمێننەوە.
![](https://i0.wp.com/www.zagrosn.com/wp-content/uploads/2024/05/Cemal.jpg?fit=444%2C296&ssl=1)
هەواڵی داهاتوو