ئاژانسی هەواڵی زاگرۆس

داهاتی کاسبکارانی پارێزگای سنە نیوه‌ی داهاتی پارێزگاکانی دیکەی ئێرانە 

 

سەرۆکی ژووری ڕێکخراوە پیشەییەکانی شاری سنە دەڵێت، داهاتی کاسبکارانی بازاڕی سنە نیوەی داهاتی بازاڕی پارێزگاکانی دیکەی ئێرانە.

“شەهاب ناسری” سەرۆکی ڕێکخراوە پیشەییەکانی شاری سنەی روژهەڵاتی کوردستان، بە نێوەندەکانی هەواڵی ئەم پارێزگایەی ڕاگەیاندووە، سەرباری ئەوەی پیشەسازیی مۆدێرن لە شاری سنە زۆر لاوازە و زۆرینەی خەڵک لە بازاڕدا خەریکی کاسبین، بەڵام هەر خۆیان سەرمایەی کارەکانیان دابین دەکەن و ڕەوتی پێدانی قەرز و هاوکارییە داراییەکانی حکومەت بۆ خاوەن پیشان زۆر خاوە.

سەرۆکی ڕێکخراوە پیشەییەکانی شاری سنە دەڵێت لە کاتێکدا، نزیکەی ٩٠ هەزار مۆڵەتی کار بۆ کاسبکارانی سنە دەرکراوە، ١٠ هەزار کەسێکیش بێ مۆڵەت لە بازاڕدا کار دەکەن.

شەهاب ناسری، ئاماژەی بەوەش کردووە، کرێی دووکان تەنانەت لە شوینەکانی درەوەی چەقی بازاری شارەکانیش گرانە و باجی حکومەتیش بۆ کاسبکاران بارگرانییە و ناتوانن کرێی دووکان و باجی حکومەت بدەن.

هەواڵی پەیوەندیدار

لەم وڵاتە دۆلار و دینار بە یەکەوە گران دەبن

سەڵاح

ئەمریکا، یەکێتیی ئەوروپا و ڕووسیا لە پرۆگرامی ئەتۆمیی ئێران نیگەرانن

یاسین

١٩ کەس به هۆی تەقینەوەی مین لە بیابانی ڕەقە گیانیان لە دەست دا

سەڵاح