ئاژانسی هەواڵی زاگرۆس

ئیسماعیل هەنییە بەرپرسی مەکتەبی سیاسیی حەماس گەیشتە ئێران

بەرپرسی مەکتەبی سیاسیی حەماس گەیشتە ئێران و لەسەر دوایین پێشهاتەکانی شەڕ لە غەززە، لەگەڵ بەرپرسانی ئەو وڵاتە کۆدەبێتەوە.
“ئیرنا” ئاژانسی هەواڵی فەرمیی ئێران بڵاویکردەوە، ئیسماعیل هەنییە بەرپرسی مەکتەبی سیاسیی حەماس بە مەبەستی گفتوگۆکردن دەربارەی دوایین پێشهاتەکانی شەڕ لەگەڵ ئیسرائیل، گەیشتە تاران و لەگەڵ وەزیری دەرەوە و چەند بەرپرسێکی باڵای ئەم وڵاتە کۆدەبێتەوە.
سەردانی هەنییە بۆ ئێران لەکاتێکدایە، رۆژی دووشەممە، ئەنجومەنی ئاسایشی نەتەوەیەکگرتووەکان بڕیارێکی بۆ راگرتنی شەڕ، گەیاندنی هاوکاریی مرۆیی بە غەززە و ئازادکردنی بارمتان پەسەند کرد.
کۆماری ئیسلامیی ئێران لە دەستپێکی شەڕەوە پشتیوانیی خۆی بۆ حەماس دووپاتکردووەتەوە و بەردەوام بە هاوکاریی سەربازی بۆ حەماس و میلشیاکانی ناوچە تۆمەتبار دەکرێت.

هەواڵی پەیوەندیدار

عەلی خامنەیی هەڕەشەی تۆڵەسەندنەوە لە ئیسرائیل دەکات

سەڵاح

چوار کۆڵبەر بە تەقەی ڕاستەوخۆی هێزە چەکدارەکانی ئێران بریندار کران

یاسین

ئیسڕائیل دەڵێت مەرجەکانی حەماس واقیعی نین، پلانی هێرشکردنە سەر رەفەحیشی پەسەند کرد

سەڵاح