ئاژانسی هەواڵی زاگرۆس

سەرۆکی فەڵەستین: پەسەندکردنی هاوکارییەکانی ئەمەریکا بۆ ئیسرائیل شەڕەکە فراوانتر دەکات

 

سەرۆکی فەڵەستین سەرکۆنەی پەسەندکردنی پاکێجی هاوکاریییەکەی ئەمەریکا بۆ ئیسرائیل دەکات. کە لەلایەن کۆنگرێسەوە بڕی 26 ملیار دۆلاری بۆ پەسەند کرا.
مەحموود عەباس سەرۆکی فەڵەستین لە ڕاگەیەندراوێکدا گوتی: پەسەندکردنی 26 ملیار دۆلار هاوکاریی لەلایەن کۆنگرێسی ئەمەریکاوە بۆ ئیسرائیل، بەشێكە لە شەڕانگێزییەکانی ئیسرائیل بەرامبەر فەڵەستینییەکان.
مەحموود عەباس ئاماژەی بەوەشکرد: ئەو پارەیەی ئەمەریکا بۆ ئیسرائیلی تەرخان دەکات دەبێتە هۆی زیاتری قوربانی لە غەززە، و فراوانکردنی شەڕەکە، هەروەها ئاماژەیەکی ترسناکیشە بۆ ئاڵۆزترکردنی زیاتری دۆخی ڕۆژهەڵاتی ناوەڕاست.
ئەو پاکێجە هاوکارییەی لەلایەن ئەنجوومەنی نوێنەرانەوە پەسەند کراوه، بڕی 60.84 ملیار دۆلار هاوکاری بۆ ئۆکرانیا تەرخان کراوە و 23 ملیار دۆلاریشی بۆ پەرەپێدانی چەکی ئەمەریکایی، هەروا 26 ملیار دۆلاری دیکەی پاکێجەکە هاوکاریی و پشتیوانییە بۆ ئیسرائیل و 8 ملیار و120 ملیۆن دۆلاریش هاوکارییە بۆ هاوپەیمانەکانی ئەمەریکا له هەرێمەکانی ئۆقیانووسی هیندی و هێمن، لە نێویشیاندا تایوان.

هەواڵی پەیوەندیدار

ژمارەی کوژراوانی کەرتی غەززە لە ٣١ هەزار و ٦٤٠ کەس تێپەڕی

یاسین

هۆکاری لە کارکەوتنی بەشێک لە تۆرە کۆمەلایەتیەکان لە تەواوی جیهان ئاشکرا کرا

یاسین

ئەمەریکا داوای جێبەجێکردنی تەواوی ڕێککەوتنی شنگال دەکات

یاسین