وەزارەتی دارایی ئاشكرای كرد، تەنیا لیستی مووچەی مانگی چواری خانەنشینان مابوو، ئەویش تەواو كرا و بۆ بەغدا نێردرا.
سەرچاوەیەكی ئاگادار لە وەزارەتی دارایی هەرێمی كوردستان، راگەیاند:” لە دوێنێ شەممەوە لیستی مووچەی مانگی چواری فەرمانبەرانی هەرێمی كوردستان بە سیدی و وەرەقە، لە رێگەی نوێنەری وەزارەتی دارایی هەرێمی كورستان بردراوە بۆ بەغدا، بەڵام بەهۆی ئەوەی لیستی مووچەی خانەنشینان تەواو تەكرابوو، ئەمڕۆ لیستەكە نەدرایە وەزارەتی دارایی عێراق.”
سەرچاوەكە ئاشكراشی كرد: “ئەمڕۆ لیستی مووچەی خانەنشینان تەواو كرا و بە ئیمزای وەزیری دارایی نووسراوەكە كراوە و ئەویش بۆ بەغدا رەوانە كراوە و لەگەڵ لیستەكانی دیكە رادەستی وەزارەتی دارایی عێراق دەكرێت.”
جەختی كردەوە، مووچەی مانگی چواری فەرمانبەران و مووچەخۆرانی هەرێمی كوردستان هاوشێوەی مانگی رابردوو دوای وربینیكردن دەنێردرێت.
دابەشکردنی مووچەی مانگی سێ لە 6ی4ی2024 دەستی پێکرد و لە 9ی4ی 2024، کۆتایی پێ هات.
ئەمڕۆ 21ی4ی 2024، وه‌زاره‌تی دارایی عێراق، ڕایگه‌یاند، دەستی كرد به پاره‌داركردن بۆ مووچه‌ی مانگی چواری فه‌رمانبه‌ران و هێزه ئه‌منییه‌كانی عێراق.
شوان بەرزنجی