ئاژانسی هەواڵی زاگرۆس

هۆكاری ئەنفلۆنزای وەزری و خۆپاراستن و چارەسەر

پەتای ئەنفلۆنزای وەزری نەخۆشیەكی درمی ڤایرۆسیە و دەبێتە هۆی هەوكردنی كۆئەندامی هەناسە و لەڕێگەی تێكەڵاویی و نزیكبوونەوە و بەركەوتنی پرژی كۆكە و پژمەی كەسی تووشبوو دەگوازرێتەوە.
ئەم نەخۆشیە زیاتر لەكاتی سەرما و لەوەرزی پایز و زستان بەئاسانی و بەخێرایی دەگوازرێتەوە و بڵاودەبێتەوە و چەند نیشانەیەكی هەیە كەدیاترینیان بریتیە لە تا و ئازاری جەستە و ماسولكە، پێویستە لەكاتی تووشبوون بەئەنفلۆنزا پشوو بدرێت و شلەمەنی و شۆربا و شەربەتی پڕ ڤیتامین بخورێتەوە بۆ چاكبوونەوە.

نیشانەكانی ئەنفلۆنزای وەزری:-

– بەرزبوونەوەی پلەی گەرمی لەش بەشێوەیەكی كتوپڕ.
– كۆكە و پژمین و زیادبوونی دەردراوی لووت.
– دروستبوونی ئازار لەماسولكە و جومگەكان.
– هەوكردنی قوڕگ و ئارەق كردنەوە.
– سەرئێشە و گێژبوون و هەستكردن بە ماندوێتی.
رێگاكانی خۆپاراستن لەئەنفلۆنزای وەزری :-
– بەكارهێنانی ڤاكسینی دژی ئەنفلۆنزای وەزری بە بەردەوامی.
– شووشتنی دەستەكان بەئاو و سابون بە بەردەوامی.
– دووركەوتنەوە لە دەست لێدانی ڕاستەوخۆ لەچاو و دەم.
– بەكارنەهێنانی كەلوپەلی كەسی تووشبوو بەئەنفلۆنزا.
– بەكارهێنانی كلێنكس لەكاتی پژمین و كۆكە و دواتر فرێدانی.
– پاككردنەوەی بەردەوامی شوێنەكان وەك مێز و كورسی دانیشتن.
– دووركەوتنەوە لەشوێنە قەرەباڵغەكان لەكاتی بڵاوبوونەوەی ئەنفلۆنزا.

ژێده‌ر- تەندروستی سلێمانی

هەواڵی پەیوەندیدار

لە چی کاتێکدا نابێت خواردنەوەی دارچینی بەگەدەی بەتاڵ بخورێتەوە؟

lana

ماڵپەڕ ئاژانسی هەواڵی زاگرۆس نوێدەكرێتەوە و بە ڤێرژنێكی پێشكەوتوو وەشانی دەست پێدەكات

hakar herki

توێژینەوەیەكی زانستی ئەم دواییە چەند سوودێكی دیكەی زەیتی زەیتون ئاشكرا دەكات

lana