ئاژانسی هەواڵی زاگرۆس

پزیشکیک: تائێستا پەتای وەرزی بە خێرایی بڵاوبووەتەوە، بەڵام جێی مەترسی نییە

پسپۆڕێکی نەخۆشییەکانی قوڕگ، لووت و گوێ ئاشکرای دەکات، بەراورد بە ساڵی رابردوو پەتای وەرزی تائێستا بە خێرایی بڵاوبووەتەوە، بەڵام جێی مەترسی نییە.
ئەمڕۆ سێشەممە 23ـی نیسانی 2024 د. هاوکار عەلی، پسپۆڕی نەخۆشییەکانی قوڕگ، لووت و گوێ لە بوولتەنی تەندروستیدا بە رووداوی راگەیاند، زۆرجار هەستیاری لە رێگەی بەرکەوتن بە گژوگیاکانەوە تووشی مرۆڤ دەبێت و بەشێوەیەکی گشتی پەتای وەرزی بە تووندی لەنێو خەڵکدا بڵاوبووەتەوە.
د. هاوکار عەلی، پسپۆڕی نەخۆشییەکانی قوڕگ، لووت و گوێ لەبارەی نیشانەکانی نێوان هەستیاری و ئەنفلەوەنزا دەڵێت: لە ئەنفلەوەنزا و پەتا ڤایرۆسییەکان هەریەک لە نیشانەکانی وەکو ‘تای بەرز، سەرئێشە، بێهێزی و ئازاری جومگەکان’ هەن، بەڵام ئەمانە لە هەستیاریدا بەدیناکرێن.
لەبارەی تووندیی نیشانەکانی پەتاکان و نەخۆشییە گوازراوەکان ئەو پسپۆڕە گوتی، پشت بە بەرگریی جەستەی کەسەکە و تەندروستیی جەستەی دەبەستێت، بەجۆرێک ئەگەر کەسێک بەرگریی جەستەی بەهێزبێت، ئەوا نیشانەکانی پەتاکانیشی لەسەر کەمتر دەردەکەوێت و نیشانەکان بە لاوازی دەگرێت.

لە بەشێکی قسەکانیدا د. هاوکار عەلی ئاماژە بە چەند خاڵێک دەکات کە لەکاتی هەستیاریدا پێویستە رەچاوبکرێن وەکو ‘خواردنەوەی شلەمەنی، خواردنی ئاو بۆ پێشگیری لە وشکبوونەوەی جەستە و پشوودان’، تەنانەت ئەوەش باسدەکات کە بەهیچ شێوەیەک دەرمانی دژەبەکتریاکان و ژیناو بەکارنەیەن.
هەروەها روونی دەکاتەوە، لەکاتی تووشبوون بە هەستیاری دەنکۆڵەی پاراسیتامۆڵ ”پاراسیتۆڵ” بەکارنەیەت و پێویستە دەرمانی دژەهەستیاری لەژێر راوێژی پزیشکدا بەکاربێت، تەنانەت لەبارەی دەرزیی تێکەڵەوە دەڵێت: ”هەرچەندە بۆ ماوەیەکی کورت بەکارهێنەرانی هەست بە باشبوون دەکەن، بەڵام لێکەوتی مەترسیداری لەسەر تەندروستی دەبێت”.

هەواڵی پەیوەندیدار

چۆنیه‌تی چاره‌سه‌ركردنی غازاتی سك

یاسین

دامەزراوەی خۆراک و دەرمان هۆشداریدەدات ئەو کەلوپەلانەی خۆراکە خێراکانی پێ دەپێچرێتەوە

lana

توێژینەوەیەک رێژەی رەنگکوێری لەنێو بەشێک لە قوتابخانەکان دەردەخات

lana