ئاژانسێکی نزیک لە پارتی یەکسانی و دیموکراسی گەلان (دەم پارتی) بڵاوی‌کردەوە، بەرەبەیانیی رۆژی پینجشەممە ١٦ی ئایار لەهەڵمەتێکدا 53 کەس لە پارێزگاکانی شرنەخ و مێردین و جۆلەمێرگ ـی باکووری کوردستان لەلایەن پۆلیسەوە دەستگیرکراون.
بەگوێرەی زانیارییەکان، ئەو کەسانە لە ماڵی خۆیاندا دەستبەسەرکراون و دواتر بۆنێوەندی پۆلیسی پارێزگاکان گوزراونەتەوە.
لەلایەکی دیکەوە داواکاری گشتی‌ی شرنەخ بڕیاری دەستگیرکردنی بۆ 60 کەس دەرکردووە و چاوەڕێ دەکرێت ژمارەکە زیاتربێت.
هەتا ئێستا هۆی ئەم هەڵمەتی پۆلیسی تورکیا و دەستگیردنی ئەم هەموو کەسانە نەزانراوە.