ئاژانسی هەواڵی زاگرۆس

وه‌زيرى په‌روه‌رده‌: ئه‌زموونى خوێندنی پيشه‌يى هه‌ولێر ده‌گوازينه‌وه‌ بۆ سه‌رجه‌م پارێزگا و ئيداره‌ سه‌ربه‌خۆكانى هه‌رێمى كوردستان

ڕۆژى سێشەممە 28ی ئاياری 2024، ئالان حەمەسەعید ساڵح، وەزیری پەروەردەی حکومەتی هەرێمی کوردستان، سەرپەرشتيی کۆبوونەوەیەکی کرد، بۆ ئامادەسازیی کردنەوەی (پەیمانگەی پیشەیی سلێمانی – سیستمی خوێندنی ئینگلیزی). بۆ ئەو مەبەستە لایەنە پەیوەندیدارەکانی لە وەزارەت ڕاسپارد.

وه‌زيرى په‌روه‌رده‌ گوتى: دواى ئەوەی ئەزموونی هەولێر سەرکەوتوو بوو، ئەو ئەزموونە لە خوێندنی پیشەیی، دەگوازینەوە بۆ سلێمانی و دهۆک و گەرمیان و ئیدارە سەربەخۆکانی دیکەش.

هه‌روه‌ها گوتيشى: ساڵی خوێندنی  2023 – 2024 بۆ یەکەم جار لە چوارچێوەی گەشەپێدانی خوێندنی پیشەیی و جێبەجێکردنی بە سیستمی دووانەی خوێندن و پرۆگرامی تایبەتی پیشەیی بە زمانی ئینگلیزی و دابینکردنی پێداویستیيەکان، ئەزموونی دامەزراندنی پەیمانگەی پیشەیيی پێنجساڵەی حکومی لەساڵی یەکەمدا بە گوێرەی هەڵسەنگاندنەکان سەرکەوتووانە بەڕێوە چووە.

هه‌روه‌ها لە پاڵپشتيی ئەو پرۆژەیەدا، ئالان حه‌مه‌سه‌عيد سوپاسی پەیمانگەى (Collins College) لە هەولێر كرد، کە لە چوارچێوەی یاداشتی لێکتێگەیشتن، ئەرکی هەڵسەنگاندنی  ئاستی زمانی ئینگلیزیی پاڵێوراوانیان گرتووه‌ته‌ ئەستۆ، لەگەڵ ساڵێک سەرپەرشتیکردنی پەیمانگەکە و دیاریکردنی پرۆگرامی گونجاوی زمانی ئینگلیزی و هەموو ئەو خزمەتگوزاریيانەیان  بێبەرانبەر پێشکەش کردووە. ئەمە جیا لەوەی هەموو ئەو خزمەتگوزاریيانە بۆ پەیمانگەکانی دیکە پێشکەش دەکەن.

هەروەها وه‌زيرى په‌روه‌رده‌ بەپێویستی زانی سوپاسی پەیمانگەی CIS بكات، لە دابینکردن و ئامادەکردنی پرۆگرامەکانی خوێندنی پیشەیی بە زمانی ئینگلیزی، کە بە مافی خاوەندارێتیيەوە بێبەرانبەر لە چوارچێوەی یاداشتی لێکتێگەیشتن پێشکەشی وەزارەتیان کردووە.

هەواڵی پەیوەندیدار

کۆمپانیای Snspchat تایبەتمەندیەکی دیکە زیاد دەکات

یاسین

کۆمپانیای Samsung وەشانی One UI 6.1 بۆ ولاتی ئەمریکا بەردەست دەکات

یاسین

پەیامی پیرۆزبایی مەکتەبی سیاسیی پارتی دیموکراتی کوردستان بە بۆنەی جەژنی پیرۆزی قوربان

یاسین