ئاژانسی هەواڵی زاگرۆس

هەڵاوسان لە ئێران چارەسەر ناکرێت

 

ڕۆژنامەی دنیای ئیقتسادی ئێران لە ڕاپۆرتێکیدا باس لەوە دەکات، ئەمساڵیش ڕێژەی هەڵاوسان لەو وڵاتە کەم نابێتەوە.

دنیای ئیقتساد نووسیویەتی، ئەگەر نرخی دۆلاریش دابەزێت، کە ئەوە ئاماژەیەکی باشە بۆ کەمبوونەوەی گەشەی پارەی کاش و کۆنترۆڵی هەڵاوسان، بەڵام بۆ ڕوونکردنەوەی دۆخی هەڵاوسان هۆکاری گرنگتر هەن.

بەپێی ڕاپۆرتەکە، گەشەی ئابووری هۆکارێکی گرنگە و کاریگەری لەسەر هەڵاوسان دادەنێت، هەرچەند ئابووریی ئێران ساڵی ڕابردوو بەهۆی داهاتە نەوتییەکانەوە گەشەی پێوە دیار بوو، بەڵام ئەمساڵ چاوەڕێ ناکرێت داهاتە نەوتییەکان زیاد بکەن.

هاوکات باسی لەوەش کردووە، زیادکردنی باج لە پرۆژەیاسای بودجەی ٢٠٢٤دا کاریگەری لەسەر ئاماری سەرمایەی نەگۆڕ دادەنێت و ڕەوتی دەرچوونی سەرمایە و کەمبوونەوەی وەبەرهێنانی لێ دەکەوێتەوە، ئەوەش هۆکارە بۆ ئەوەی ئابووریی ئێران گەشەیەکی ئەوتۆی نەبێت و لە ئەنجامدا هەڵکشانی ڕێژەی هەڵاوسان بەردەوام بێت.

هەواڵی پەیوەندیدار

سزای له‌ سێداره‌دان بۆ هاوسه‌ری شنیار هونەر ده‌رچوو

یاسین

ئاگادارییەک لە وەزارەتی پەروەردەوە

یاسین

په‌یامی سەرۆکی حکومەتی هەرێمی کوردستان لە ساڵیادی کیمیایبارانی بالیسان و شێخ وەسانان و دۆڵی خۆشناوەتیدا

یاسین