لە قۆناغی 16ـەی چامپیۆنزلیگ، یانەی بروسیا دۆرتمۆند لە یاریگای خۆیدا میوانداری ئایندهۆڤنی کرد.
لەم یارییەدا زەردەواڵەکانی ئەڵمانیا توانیان شکست بە ئایندهۆڤن بهێنن و بگەنە قۆناغی داهاتوو.
هەر لە سەرەتای تایمی یەکەم و لە خولەکی سێدا یاریزان سانچۆ گۆڵی یەکەمی دۆرتمۆندی تۆمارکرد، پاش ئەو گۆڵەش هەردوو یانە چەندین هەوڵیاندا بۆ تۆمارکردنی گۆڵێک ئەو تایمە بەو گۆڵە مایەوە و هیچ گۆڵێکی تر تۆمار نەکرا.
لە تایمی دووەم ئایدهۆڤنی میوان بە ئاستێکی باشتر دەرکەوت و کۆنتڕۆڵی یاریگای کرد، بەڵام ڕیۆس بێهیوایان کردن و لە خولەکی پێنجی کاتی زیادکراو گۆڵی دووەمی دۆرتمۆندی تۆمارکرد.
بە ئەنجامی هەردوو یاریی چۆن و هاتن، یانەی دۆرتمۆند بە سێ گوڵ بەرامبەر گۆڵێک بردەوە و گەیشتە قۆناغی چارەکی کۆتایی ئایندهۆڤنیش ماڵئاوایکرد.