ئاژانسی هەواڵی زاگرۆس

پرێمەرلیگ.. ئارسناڵ بردیەوە و چاوەی لە شکستی مانسیتیە

لە یارییەکانی گەڕی 35ی خولی نایابی ئینگلتەرا و لە یاری دێربیدا، یانەی توتنهام لە یاریگای خۆیدا میوانداری ئارسناڵی کرد.

 

لە ئەنجامدا یانەی گەنەرز توانیان یارییەکە بە سێ گۆڵ بەرامبەر بە دوو گۆڵ شکستی بە خاوەن یاریگا هێنا.

 

لە تایمی یەکەمدا توتنهامی خاوەن یاریگا بە تەواوی کۆنترۆڵی یارییەکەیان کردبوو، بەڵام تۆپ هاوێژەکان گورزی خۆیان وەشاند توانیان سێ گۆڵ لە خولەکەکانی 15 و 27 و 38 لەلایەن یاریزانان هۆیبێرگ بە هەڵە لە خۆیان و بوکایۆ ساکا و کای هاڤێرتزەوە تۆمارکرد، دوای چەندین هەوڵی تر ئەو تایمە بەو شێوەیە مایەوە.

 

لە تایمی دووەم تا ڕادەیەک ئارسناڵ گەڕایەوە نێو کەشی یارییەکە، بەڵام تۆتنهام چەندین گۆڕانکاری ئەنجامدا و دەیانویست ئەنجامەکە یەکسان بکەنەوە،

لە خولەکی 64 رۆمیرۆ بە هەڵەیەکی گۆڵپارێزی ئارسناڵ گۆڵی یەکەمی تۆتنهامی تۆمارکرد، ناوبژیوان لێدانێکی سزای بۆ خاوەن یاریگا هەژمارکرد و لە خولەکی 87یشدا هیۆنگ مین سۆن بە سەرکەوتوویی جێبەجێکرد و گۆڵی دووەمی تۆتنهامی تۆمارکرد.

 

بەم سەرکەوتنە، یانەی ئارسناڵ بە کۆکردنەوەی 80 خاڵ لە پلەی یەکەمی ڕیزبەندی خولەکە دێت، تۆتنهامیش خاوەنی 60 خاڵە و لە پلەی پێنجەمدایە.

هەواڵی پەیوەندیدار

سه‌رۆكى هه‌رێمى كوردستان و سه‌رۆک كۆمارى عێراق چەند بابەتێکی گرنگ تاوتوێ دەکەن

یاسین

سه‌رۆكى هه‌رێمى كوردستان و باڵيۆزى ئازه‌ربايجان تاوتوێی چه‌ند بابه‌تێك ده‌كه‌ن

یاسین

سوپای ئیسرائیل هێرشی زەمینیی بۆ سەر ناوچەی ڕەفەح دەستپێکرد و ده‌ستی به‌سه‌ر تاكه‌ ده‌روازه‌كه‌دا گرت

سەڵاح