ئاژانسی هەواڵی زاگرۆس

کۆریای باکوور مانگێکی دەستکردی سیخوڕیی هەڵدا و شکستی هێنا

کۆریای باکوور ڕایگەیاند، دوایین هەوڵی خۆی بۆ دانانی مانگێکی دەستکردی سیخوڕی شکستی هێنا و لە ئاسماندا تەقیەوە، ئەمەش دوای چەند کاتژمێرێک لە ڕەخنەکانی سیئۆل و تۆکیۆ هات کە نیگەران بوون لە پرۆسەی هەڵدانی ئەو مانگە دەستکردە سیخوڕییە.
ئیدارەی نیشتیمانی تەکنەلۆجیای ئاسمانی کۆریای باکوور، لە بەیاننامەیەکدا ڕایگەیاندووە، مانگی دەستکردی سیخوڕی “مالیگیۆنگ-1-1 ” لە قۆناغی یەکەمی هەڵدانیدا لە ئاسماندا تەقیوەتەوە و شکستی هێناوە”، ئاماژەی بەوەشکردووە، هۆکاری شکستەکە پەیوەندی بە بزوێنەری ئۆکسجینەوە هەبووە.
تۆڕی NHK ی ژاپۆنی تۆمارێکی ڤیدیۆیی بڵاوکردەوە کە پێدەچێت ئەو مانگە دەستکردەی کۆریای باکوور بێت، کە لە ئاسماندا سووتاوە.
پیۆنگ یانگ دوێنێ ژاپۆنی ئاگادارکردبووەوە کە بەنیازە مانگێکی دەستکردی نوێ بەرەوە ئاسمان هەڵبدات، ئەمەش ڕەخنەی سیئۆل و تۆکیۆی لێکەوتەوە، کە داوای لە کیم جۆنگ ئون، سەرۆکی کۆریای باکور کرد ئەو هەنگاوە هەڵبوەشێنێتەوە.
دانانی مانگە دەستکردەکە بۆ خولگەی هەمیشەیی لە پێشینەی کارەکانی کیم بووە و لە مانگی نۆڤەمبەری ڕابردوودا ڕاگەیەندرا کە دوای دوو هەوڵی شکستخواردوو لە هەوڵێکی دیکە سەرکەوتوو بووە.
ئا:ج

هەواڵی پەیوەندیدار

جەنەڕاڵەکانی ئیسرائیل داوای دەست لەکارکێشانەوەی سەرۆک ئەرکانی سوپای ئیسرائیل دەکەن

یاسین

ئەمرۆ دادگایی کردنی ئەڵمانیا دەستپێدەکات لەسەر ئاسانکاری کردن بۆ کۆمەڵکوژییەکانی غەززە

یاسین

وڵاتێکی ئەفریقا هۆشداری دەداتە ئەمەریکا

سەڵاح