ئەنجومەنی ئاسایشی نەتەوەیەکگرتووەکان سبەی 18ی نیسان کۆدەبێتەوە و دەنگ لەسەر ئەندامییەتی‌ی فەڵەستین لە نەتەوەیەکگرتووەکان دەدات و گرووپی عەرەبییش لە راگەیاندراوێکدا پشتیوانی لە ئەندامییەتی فەڵەستین دەکەن.
فەڵەستین ١٣ساڵ لەمەوبەر بۆ یەکەمجار داواکاری ئەندامیەتی لە نەتەوەیەکگرتووەکان پێشکەش کرد، بەڵام ئەمەریکا ڤیتۆی کرد و ئێستا جارێکی دیکە لە سەرەتای ئەم مانگە و لە نێوەڕاستی شەڕی حەماس و ئیسرائیل فەڵەستین داواکاریی ئەندامیەتی لە نەتەوەیەکگرتووەکان زیندووکردەوە.
دوای ئەوەی ئەنجومەنی ئاسایش رەزامەندی لەسەر داواکارییەکە دا، لە کۆمەڵەی گشتی نەتەوەیەکگرتووەکانیش بە دوو لەسەر سێی دەنگی ئەندامانی کۆمەڵەکە، فەڵەستین دەبێتە ئەندام.
