ئاژانسی هەواڵی زاگرۆس

ئەمەریکا داوا لە تیک تۆک دەکات پەیوەندییەکانی لەگەڵ چین بپچڕێنێت

 

ڕۆژی سێشەممە کۆنگرێسی ئەمریکا یاسایەکی پەسەند کرد، کە داوای لە گرووپی “تیک تۆک” کردووە، ئەگەر نایەوێت ڕووبەڕووی قەدەغەکردن ببێتەوە لە ئەمەریکا. پێویستە پەیوەندییەکانی لەگەڵ کۆمپانیای دایک کە کۆمپانیای “بایتدانس”ـە لە چین بپچڕێنێت.
جۆ بایدن سەرۆکی ئەمەریکا ڕایگەیاند، واژۆ لەسەر ئەو بڕگەیە دەکات کە چەند ڕۆژێک لەمەوبەر لەلایەن ئەنجوومەنی نوێنەرانەوە پەسەندکرابوو.
سەرۆکی ئەمەریکا لە سەرەتای مانگی نیساندا لە کاتی گفتوگۆیەکدا لەگەڵ هاوتا چینییەکەی شی جینپینگ، “نیگەرانی” خۆی لەبارەی تیک تۆکەوە دەربڕی.
تۆڕە بەناوبانگەکەی سۆشیال میدیا ڕاستەوخۆ دوای دەنگدانەکە لە ئەنجوومەنی نوێنەران، ناڕەزایەتی دەربڕی و بەو پێیەی قەدەغەکردنی “تیک تۆک” دەبێتە پێشێلکردنی ئازادی ڕادەربڕینی 170 ملیۆن ئەمەریکی.
ئەگەر بڕگەکە بچێتە بواری جێبەجێکردنەوە، بایتدانس کۆمپانیای چینی خاوەنی تیک تۆک ناچار دەکات لە ماوەی 12 مانگدا ئەپڵیکەیشنەکە بفرۆشێت، بە پێچەوانەوە لە ئەپڵ و گووگڵ لە ئەمەریکا نامێنێت.
ئا:ج

هەواڵی پەیوەندیدار

سوپای ئەمریکا: پێنج درۆنی هەڵدراوی حوسیانمان لە دەریای سوور تێکشکاند

یاسین

گرووپە چەکدارەکانی عێراق هێرشیان کردە سەر ئیسرائیل

یاسین

پێشبینی شه‌پۆڵێكی بارانبارین ده‌كرێت، هۆشداری ده‌درێت

سەڵاح